លោក ជា ពិសី អភិបាលរងខណ្ឌឫស្សីកែវ ចុះចែកអំណោយជូនគ្រួសាររងគ្រោះដោយសារអគ្គីភ័យ
13-November-2015 | ដោយ មួយឡា
ភ្នំពេញ៖ នៅរសៀលថ្ងៃទី ១២ ខែ វិច្ឆិកា ឆ្នាំ ២០១៥ ក្រុមការងារអនុសាខាកាកបាទក្រហមខណ្ឌឫស្សីកែវ បាននាំយកអំណោយមកចែកជូនគ្រួសាររងគ្រោះដោយសារអគ្គីភ័យដែលបណ្តាលមកពីរថយន្ត ២គ្រឿង បើកប្រជែងគ្នាជ្រុលទៅបុកផ្ទះលក់សាំង ដូរហ្គាស ចំនួន ៨គ្រួសារ នៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ពិធីនេះ ដឹកនាំដោយ លោក ជា ពិសី អភិបាលរង នៃគណៈអភិបាលខណ្ឌឫស្សីកែវ និងជាអនុប្រធានអនុសាខាកាកបាទក្រហមខណ្ឌឫស្សីកែវ តំណាងលោក ធុយ សុខន អភិបាល នៃគណៈអភិបាលខណ្ឌឫស្សីកែវ និងជាប្រធានអនុសាខាកាកបាទក្រហមខណ្ឌឫស្សីកែវ។
នាឱកាសនេះ ក៏មានការអញ្ជើញចូលរួមផងដែរពីសំណាក់ លោក មូល វីរៈ ចៅសង្កាត់ឫស្សីកែវ និងជាប្រធានក្រុមការងារកាកបាទក្រហមសង្កាត់ឫស្សីកែវ មន្ត្រីសាលាសង្កាត់ សមាជិក សសយក ខណ្ឌ-សង្កាត់ តំណាងអង្គការមូលនិធិព្រះពុទ្ធសាសនា ករុណា សង្គ្រោះ (ឆឺជី) ប្រចាំកម្ពុជា។
ក្នុងនោះដែរ អំណោយរបស់អនុសាខាកាកបាទក្រហមកម្ពុជា បានយកមកចែកជូន ដោយក្នុងមួយគ្រួសារៗទទួលបាន៖ អង្ករ ២៥គីឡូក្រាម គ្រឿងឧបភោគ បរិភោគ សម្ភារៈប្រើប្រាស់មួយចំនួន និងថវិកាចំនួន ៥០,០០០រៀល។
ចំណែកឯអំណោយរបស់អង្គការមូលនិធិព្រះពុទ្ធសានា ករុណា សង្គ្រោះ (ឆឺជី) ប្រចាំកម្ពុជាបានចែកជូនក្នុងគ្រួសារនីមួយៗទទួលបាន៖ អង្ករ ៤០គីឡូក្រាម ប្រេងឆា ៤ដប ស្ករស ៤គីឡូក្រាម អំបិល ២គីឡូក្រាម មុង ២ ក្រម៉ា ២ ផងដែរ។
ឆ្លៀតក្នុងឱកាសនេះ លោក មូល វីរៈ ចៅសង្កាត់ឫស្សីកែវ ក៏បានជួយឧបត្ថម្ភក្នុងមួយគ្រួសារ ១០០.០០០រៀលបន្ថែមទៀតផងដែរ។
សូមបញ្ជក់ថា គ្រួសាររងគ្រោះដោយសារអគ្គីភ័យនេះ កើតឡើងកាលពីវេលាម៉ោង ១:០៥នាទី រំលងអាធ្រាតឈានចូលថ្ងៃទី ០៨ ខែ វិច្ឆិកា ឆ្នាំ ២០១៥៕
ប្រភព៖ ទំព័រសាលាខណ្ឌឫស្សីកែវ
ចំនួនអ្នកទស្សនា
- ថ្ងៃនេះ7211
- ម្សិលមិញ12561
- សប្តាហ៍នេះ35161
- ខែនេះ57041
- ឆ្នាំនេះ57041
- សរុប20499497